Antonin Perbosc pages occitanes Quercy.net
   Accueil  -  Langue  -  Auteurs  -  Musiques  -  Radios  -  Liens  -  Occitan          

Antonin Perbosc

(1861-1944)

 

Sa vie et sa bibliographie  Le discours de Castelnau

 

 

   Sa vie et sa bibliographie

Une enfance ordinaire, l'école normale, une vie de maître d'école de village en Quercy. Avec son ami Prosper Estieu il a travaillé à la restauration de la graphie occitane classique préparant ainsi l'oeuvre d'Alibert.

Il a essayé de mettre en pratique dans son école, les idées de Jaurès sur l'enseignement de la langue d'oc. Ses oeuvres les plus connues sont "lo got occitan" (1903), "Lo libre dels ausels" (1924), "lo libre del campestre" (1970).

Una presentacion completa de Antonin Perbosc se pot lire sus Carcin.net

 

   Lo discors de Castelnou

... es de l'escola, per una granda part, qu'es vengut lo mal...

Aquo vol pas dire que dins l'ensenhament d'ara i aja res de ço que cal. Om pot dire que i a tot ço que cal per aparelhar los drolles a tota sorta de mestièrs a tot, fora ço que se fa dins las campanhas.

Sem en Carcin. Nostres drolles son d'una raça e d'un païs. Sabon una lenga que lor ven dels mai lonhdans aujols qu'es coma l'arca sacrada ont es enclausa l'ama subreviventa dels morts. Tot l'èime de las generacions avalidas es aqui, salvat per l'avenir, dins aquelas paraulas que dempuèi mai de mila ans bronsinan dins las cançons dels boiers, dins las breçairolas de las maires, dins los recits de las velhadas, dins los estampèls de cada jorn.

Los drolles, davant d'anar s'assietar suls bancs de l'escola, sabon tot aquo; sabon los provèrbes, las cançons; los contes, totas las tradicions de lor raça de lor pais.

Cresètz qu'es bon de los despopar brutalament de tot aquo, de los desraçar e de los despaisar coma se fa trop sovent en los ensenhant, ni mai ni mens, coma sarian ensenhats dins una escola de Paris ?

Lo lauraire, lo faure, lo rodièr, tot ome que fa un mestièr campèstre e mai qu'un autre lo qu'es pas anat a l'escola - sap de causas que tot lo monde apren sens cap de pena, simplament en visquent als camps; de causas que n'an l'aire de res e que, totas ensemble, fan un total d'una incomparabla valor. Es la sapienca tradicionala arremosada de paire en filh per l'esperiment dels omes que dempuèi de sègles an viscut de la mèsma vida, sus la mèsma tèrra e jol mèsme cèl. S'aquela sapiença es pas escricha dins de libres, n'es pas mens viventa dins los esperits.

Cresetz qu'es bon que l'escola fasque taula rasa de tot aquo, en guisa de ne far la bona sola de tot ço que i pot apondre la sapiença libresca ?

Non, degun de rasonable pot creire aqu'o.

..... Quand i aura dins cada airal, coma a Castelnou un aplec d'omes de bon eime e de bon voler per mostrar al poble coma als que lo govèrnan que, luènh de mespresar lo parlar mairal e de lo desondrar en lo francimandejant, cal aimar, onorar e mantenir franc e blos coma lo vin de nostras vinhas, tot anira pauc a pauc melhor.

Antonin Perbosc:

"Manifestes occitans. Cap-e-Cap. 1976."

perbosc.gif (1946 octets)

Notas:

raça : Perbosc emplega lo mot "raça" amb l'accepcion d'etnia o de patria.

despopar : Los nenes, o popons, popan lo sen de la maire. Arriba un temps que los cal despopar, valent a dire los acostumar a manjar normalament.

sola : la basa.

l'airal : Es lo territori que i a l'entorn de l'ostal o del vilatjot.

aplec : Aquel tèrme es subretot utilisat en catalan. Mas en occitan tanben e significa: "acampada amassada, reunion".